व्यक्तित्व

सक्षम, शिक्षित र आत्मनिर्भर हुनु जरुरी

लक्ष्मी घिमिरे (प्रदेशसभा सदस्य, बाग्मती प्रदेश)रामेछापकी लक्ष्मी घिमिरे राष्ट्रिय प्रजातन्त्र पार्टी (राप्रपा) बाट बाग्मती प्रदेशसभामा समानुपातिक सांसद बन्न सफल भएकी छन् । उनी अपांगता भएकी एक्ली प्रदेशसभा सदस्य हुन् । भारोत्तोलन खेलाडी तथा ह्विलचेयर बास्केटबल टिमको क्याप्टेनसमेत रहेकी उनी विवेकशील साझा हुँदै राप्रपामा प्रवेश गरेकी थिइन् ।  चुनावपछि कत्तिको व्यस्तता बढेको छ ?बधाई–सम्मान, मिडियामा अन्तर्वार्ता लगायत पार्टीको काममा व्यस्त भइरहेकी छु ।यो चुनावका चुनौतीहरू बताइदिनुस् न ?म अपांगता भएको व्यक्ति भएकाले चुनावी प्रचार–प्रसारका काममा केही थप चुनौती देखिए । हाम्रो देशको भौगोलिक अवस्था र अपा¨तामैत्री संरचनाको अभावका कारण फिल्डमा जान नसक्नु, घर–दैलोमा पुगेर एजेन्डा बुझाउन गाह्रो परेको थियो । मैले मेरो चुनावी अभियानमा सामाजिक सञ्जालकै बढी प्रयोग गरें । ‘युनिभर्सल डिजाइन’को संरचना भएको भए मजस्तालाई समस्या हु“दैनथ्यो ।अपांगता भएकाको परिवारका लागि समाज र सरकारले के गर्नुपर्ला ?यो विषयमा परिवार, समाजभन्दा पनि राज्यको बढी दायित्व हुन्छ । राज्यले आवास, रोजगारीमा पहुँच, सामाजिक सुरक्षाको दायित्व लिनुपर्छ । राजनीतिक प्रतिनिधित्व गराउन हामीलाई दलहरूले स्थान दिनुपर्छ । अपांगता भएकाहरूको सवालमा संविधानमै त्रुटि छ । अनिवार्य भनेर उल्लेख गरेको छैन । कानुन सच्याउने र संविधान संशोधन गर्नुपर्ने हुन्छ ।  तपाईंमा नेतृत्व लिन सक्ने शक्ति र आँट कसरी अनि कहाँबाट आयो ?मभित्रको इच्छाशक्ति, अपांगता भएकाहरूलाई गरिने व्यवहार र यो सोचलाई चिर्नुपर्ने मभित्रको चिन्तनले नै शक्ति पैदा भयो । समाज परिवर्तनका लागि आफै परिवर्तन हुनुपर्छ भन्ने मैले अठोट गरें ।अन्य पेसामा नगएर राजनीतिमै किन आउनुभयो ?दाम कमाउनु छैन मलाई, म महत्वाकांक्षी मान्छे पनि होइन । सेवामा रुचि भएकाले म विभिन्न सेवामूलक संघसंस्थामा आबद्ध थिएँ । त्यहाँ काम गर्दै गर्दा सानो समूह मात्रै समेटिएको र राजनीतिले राष्ट्रभरका जनताको सेवा गर्ने बाटो खुलाउने महसुस गरें । वास्तवमा भन्ने हो भने म जनताको सेवामा रुचि भएकैले राजनीतिमा आएकी हुँ ।महिला त्यसमाथि पनि अपांगता भएकै कारण के तपाईंले कुनै विभेद महसुस गर्नुपरेको छ ?म जहिले पनि अत्यन्तै सक्रिय र जुझारु रहें । मलाई परिवार, साथीभाइ र पार्टीभित्रकै साथीहरूबाट पनि सधै उत्प्रेरणा मिलिरह्यो । खासै विभेद महसुस गर्नु परेन ।सभा–सम्मेलनमा भाषण गर्न वा पुस्तक पढ्नमध्ये कुन बढी मन पर्छ ?अहिलेलाई पुस्तक नै रोजें । ममा अझै ज्ञान बढाउनु छ तब मात्र भाषण गर्दा अर्थपूर्ण होला ।महिला विकास र सशक्तीकरणका सर्त के हुन् ?शिक्षा, चेतना, परिवारको साथ र आर्थिक आत्मनिर्भरता ।तपाईंले प्राप्त गरेका उपलब्धि र अब गर्न चाहेका योजना केही छन् कि ?पढाइलाई निरन्तरता दिएंँ, राजनीतिमा पनि सफलताको पाइला अगाडि बढेको छ । भारोत्तोलनमा दुबईसम्म गएर प्रतिस्पर्धामा सहभागी भएँ । ह्विलचेयर बास्केटबलको क्याप्टेनका रूपमा राम्रै गरिरहेकी छु । आगामी दिनमा जे आइपर्छ गर्दै जाने हो । अब यो देशै परिवर्तन गर्न पाए हुन्थ्यो, कल्याणकारी राज्य स्थापना गर्न पाए हुन्थ्यो भन्ने लाग्छ ।तपाईंको रुचि के हो?अरूलाई आफूसक्दो सहयोग गर्दा मलाई सन्तुष्टि मिल्छ । पुस्तक पढ्नु मेरो रुचि हो ।पाठकका लागि तपाईंका केही सन्देश छन् कि ?सक्षम, शिक्षित र आत्मनिर्भर हुन सकियो भने कसैले पछि पार्न सक्दैन भन्ने सन्देश दिन चाहन्छु ।  

नारी संवाददाता , माघ ११, २०७९

-- पुरै पढ्नुहोस् --

आत्मविश्वासले मोडियो जीवन

सगरमाथाको आधार शिविर पुगेकी सोलुखुम्बुकी फुरादिकी शेर्पासँग दुःख–सास्तीको चाङ थियो । त्यहाँ पुग्दा आफ्नै अघिल्तिर उभिएको कठोर हिम टाकुरालाई उनी निकैबेर नियालिरहिन् । मनभित्र उब्जिएका अनेकौं प्रश्नको उत्तर खोज्दै थिइन् । त्यसैबीच उनको मनमा ‘हिउँहरूको साम्राज्य’ मा आफ्नो कर्म खोज्नुपर्छ भनेर ।

सुजाता मुखिया, माघ ८, २०७९

-- पुरै पढ्नुहोस् --

धकेलिँदै पत्रकारिता 

परिवारको चाहना सरकारी जागिर थियो । गणितमा कमजोर भएकाले प्रवेशिका परीक्षापछि सजिलो विषय खोज्दै थिइन्–पूनम पौडेल ।

नारी संवाददाता , पुस १७, २०७९

-- पुरै पढ्नुहोस् --

'लाइमलाइट भन्दा पर राधिका’

अत्यन्तै सौम्य, शान्त र शालीन व्यक्तित्व, बैंकिङ क्षेत्रको उपल्लो पदमा पुगेको अनुभव, मुलुकभरका कार्यकर्तादेखि अन्तर्राष्ट्रिय स्तरको उच्च ओहोदामा रहेर काम गरेका व्यक्तिहरूसँगको उनको सहकार्य रहँदै आएको छ । जीवनमा चरम दुःख र सुखकोराम्रो अनुभव बटुलेकी राधिकालाई ‘लाइमलाइट’ भन्दा पर रही सेवामा तल्लीन हुन औधी मन पर्छ । उनी आफैंमा एउटा गह्रौं ब्रान्ड हुन् ।

उपासना घिमिरे लक्ष्मी भण्डारी, मंसिर ६, २०७९

-- पुरै पढ्नुहोस् --

महिलाका लागि अनुकूल वातावरण सिर्जना गरिदिनुपर्छ ।

तेह्रथुमका ब्रिटिस लाहुरे केबी र सुकुमाया लिम्बूकी एक मात्र सन्तान विमला तुम्खेवा तीन दशकदेखि पत्रकारिता र साहित्य क्षेत्रमा सक्रिय छिन् ।

नारी संवाददाता , मंसिर २, २०७९

-- पुरै पढ्नुहोस् --

बख्तरबन्दमा कोमल हात 

युद्धग्रस्त क्षेत्रमा सैनिकहरूले हतियार बोक्न तथा आफूलाई क्षति नहुने गरी विपक्षीलाई आक्रमण गर्न बख्तरबन्दको प्रयोग गर्छन् ।

 लक्ष्मी भण्डारी, माघ १४, २०७८

-- पुरै पढ्नुहोस् --

श्रोता लठ्याउने धन

सानैदेखि निडर र हक्की स्वभावकी उनी मन लागेको काम गरिहाल्थिन् ।

नारी संवाददाता , श्रावण १०, २०७८

-- पुरै पढ्नुहोस् --

निर्मलाको अठोट

चार वर्षकी छँदा सडक दुर्घटनामा देब्रे खुट्टा गुमाइन् । खुट्टा काटिएपछि बैसाखी टेकेर स्कुल पढिन् । ०६४ मा एसएलसी उत्तीर्ण गरेपछि स्वास्थ्य सहायक (एचए) पढिन् । ६ महिने खरिद÷रेफर केयर (पिआरसी) गरिन् । स्वास्थ्य क्षेत्रमै उच्च शिक्षा हासिल गर्ने उनको चाहना थियो । आर्थिक समस्याले त्यो पूरा गर्न सकिनन् ।

विद्या राई, श्रावण ७, २०७८

-- पुरै पढ्नुहोस् --

महिला पत्रकारको संघर्ष

समाचार लेख्न थालेको सात महिनापछि मेरो ‘बाइलाइन’ समाचार छापिएको थियो । त्यो थियो, स्वर सम्राट् नारायण गोपालको मृत्यु र दाहसंस्कारको समाचार ।

नारी संवाददाता , जेष्ठ ७, २०७८

-- पुरै पढ्नुहोस् --

पहाड छिचोल्दै शुभानी

पाइलट शुभानी घिमिरेले कलिलो उमेरमै संघर्षका अनगिन्ती पहाड छिचोलेकी छन् । १७ वर्षमै बोइङ उडाउने प्रथम नेपाली उनले फिलिपिन्सको दुमगेतेबाट डिपोलोगसम्म ४० मिनेटको द्रुत गतिमा ‘पहिलो क्रसकन्ट्री सोलो उडान’ सम्पन्न गरेकी हुन् ।

लक्ष्मी भण्डारी, कार्तिक १३, २०७७

-- पुरै पढ्नुहोस् --

सुहाउने लुगामा स्मार्ट देखिन्छ : नवीना लामा

आफ्नो शरीरलाई न्यानो बनाएर, आफूलाई सुहाउने लुगा लगाउँदा स्मार्ट देखिन्छ । अरूको सिको गरेर लगाउँदा भने नसुहाएको पनि हुनसक्छ । आफ्नै गेटअप शैली बनाएर, कस्तो रंग, डिजाइन सुहाउँछ त्यसरी लगाउँदा जो पनि स्मार्ट र आकर्षक देखिन्छ ।

नारी संवाददाता , पुस १०, २०७६

-- पुरै पढ्नुहोस् --