पेट केयर

‘बिरामीका साथी कुकुर’ 

प्राचीनकालदेखि नै कुकुर र मानिसको अन्योन्याश्रित सम्बन्ध रहिआएको छ । घरपालुवाले कुनै न कुनै रूपमा मानिससँग सधै नजिकको सम्बन्ध राख्छ । पुरानो जमानामा शिकार खेल्न जाँदा होस् वा चौंरीगोठ एवं घरपरिवारको सुरक्षा होस् कुकुरले आफ्नो बफादारी देखाएकै हुन्छ । एक्काइसौं शताब्दीमा विभिन्न अनुसन्धानले कुकुर पाल्ने र नपाल्ने मानिसको स्वास्थ्य अवस्था फरक हुने गरेको देखाएको छ ।कुकुरले मानिसलाई स्वस्थ राख्छ धेरै अध्ययनले के देखाएको छ भने कुकुर पाल्ने मानिसमा हृदय रोगको सम्भावना नपाल्ने भन्दा कम हुन्छ । कुकुरसँग खेल्ने, हिँडडुल गर्ने तथा एक्लोपन हुन नदिने भएकाले मानिसलाई स्वस्थ रहन मद्दत गर्छ । कुकुरसँग खेल्दा होस् वा उसलाई कतै घुमाउन जाँदा होस् हाम्रो शारीरिक व्यायाम हुन्छ । कुकुर साथीसँग आफ्नो जीवन र घर साझा गर्नुको सबैभन्दा सहज फाइदा भनेको कुकुरले तुरुन्तै ‘फिल्स् गुड भाइब्स्’ दिन्छ ।जब हाम्रो घरपालुवासँग अन्तरक्रिया गर्छौं, हाम्रो ‘अक्सिटोसिन’ को स्तर बढ्छ । यो हाम्रो सामाजिक बन्धनका लागि धेरै हदसम्म जिम्मेवार हुने भएकाले यो हार्मोनल ‘प्रेम इन्जेकसन’ ले हाम्रो मनोवैज्ञानिक कल्याणलाई बढावा दिन्छ ।यसबाहेक कुकुरले अवसादका लक्षणहरू प्रायः थेरापी जनावरका रूपमा प्रयोग गरिन्छ । कुकुरले क्यान्सर थेरापीबाट गुज्रिरहेका बच्चाहरूको मनोवैज्ञानिक कल्याणमा सुधार गर्न मद्दत गर्ने अन्वेषकहरूले बताएका छन् । कुकुरले ‘पोस्ट ट्रमाटिक स्ट्रेस डिसअडर’ भएकाहरूलाई सहयोग गर्न सक्छन् ।स्वास्थ्य अनुसन्धानमा कुकुर मानिसमा मधुमेह र क्यान्सर रोग पत्ता लगाउनमा कुकुरलाई प्रयोग गर्न सकिने अनुसन्धानकर्ताले बताएका छन् । एउटा कुकुरमा करिब १२५ देखि ३० करोड गन्ध थाहा पाउने ग्रन्थि हुन्छन् । मानिसमा भने यस्ता ग्रन्थिहरू करिब ५० लाख मात्रै हुन्छन् । यसको अर्थ कुकुरको सुँघ्ने क्षमता मानिसको भन्दा धेरै गुणा बढी संवेदनशील हुन्छ । त्यसैले कुकुरहरूले कतिपय रोग यो गुणमा कारण पत्ता लगाउन सक्षम हुन्छन् ।मानिसले बिताइरहेको एकान्त जीवन र त्यसले पार्ने प्रत्यक्ष/अप्रत्यक्ष प्रभावबाट जोगिन कुकुरजस्ता घरपालुवाले ठूलै महत्व राख्छन् । तसर्थ हामीलाई स्वस्थ तथा खुसी राख्न घरपालुवाको ठूलो योगदान हुन्छ । स्वस्थ घरपालुवाले हाम्रो जीवनलाई स्वस्थ र खुसी पनि बनाउँछ । (पशुचिकित्सक यादव एडभान्स्ड पेट हस्पिटलमा आबद्ध छन्) 

डा. शरद सिंह यादव, वैशाख ८, २०७९

-- पुरै पढ्नुहोस् --

घरपालुवामा किर्नाको उपचार 

गर्मी सुरु भएपछि किर्ना र उपियाँको प्रकोप बढेर जान्छ । घरपालुवालाई गर्मीमा लाग्ने छालाका रोगहरू तथा केही प्राणघातक रोगका प्रमुख कारक तत्व नै किर्ना र उपियाँ हुन् । कहिलेकाहीँ घरपालुवाका लागि यी घातक हुनसक्छन् ।

डा. शरद सिंह यादव, चैत्र १३, २०७८

-- पुरै पढ्नुहोस् --

गर्मी र घरपालुवा

घरपालुवाले आफ्नो शारीरिक तापक्रमलाई सन्तुलनमा राख्न पनि बढी ऊर्जाको आवश्यक पर्छ ।

नारी संवाददाता , असार १४, २०७८

-- पुरै पढ्नुहोस् --

कुकुरको कानको स्याहार

जुन कुकुरको कान ठूलो, झुन्डिएको तथा भारी हुन्छ त्यस्तालाई कानको समस्या बढी हुन्छ ।

नारी संवाददाता , चैत्र ९, २०७७

-- पुरै पढ्नुहोस् --

घरपालुवामा छारे रोग

घरपालुवा जनावरमा विभिन्न किसिमका रोगको प्रकोप बढ्दो छ । अव्यवस्थित रूपमा हुने कुकुरको प्रजनन्ले गर्दा पनि केही गम्भीर स्वास्थ्य समस्या देखा पर्न थालेका छन् ।

नारी संवाददाता , मंसिर १४, २०७७

-- पुरै पढ्नुहोस् --

गर्मीमा घरपालुवाको स्याहार कसरी गर्ने ?

गर्मीमा हामीले घरपालुवालाई हप्तै पिच्छे नुहाइदिने गर्छौं, यो कार्य ठिक होइन । घरपालुवालाई महिनामा एक वा दुई पटकभन्दा बढी नुहाइदिनु हुँदैन । यस्ता जनावरहरुलाई छोटो समयको अन्तरमा नुहाईदिदाँ छालामा विभिन्न किसिमका समस्या आउने गर्छ ।

डा.शरद सिंह यादव, असार १, २०७७

-- पुरै पढ्नुहोस् --

लकडाउनमा घरपालुवाको हेरचाह 

धेरैको घरमा घरपालुवा जनावर पालिएको हुन्छ । लकडाउनको बेलामा आफ्नो घरपालुवालाई कसरी स्वस्थ राख्ने र केही समस्या परेमा कसरी जोगाउने होला भन्ने डर हुन सक्छ । त्यसैले यस्तो अवस्थामा घरपालुवालाई जोगाउनका लागि केही जानकारी भने हुनु पर्छ ।

डा.शरद सिंह यादव , वैशाख ५, २०७७

-- पुरै पढ्नुहोस् --

घरपालुवा  खरायोको हेरचाह

खरायो एउटा आकर्षक जनावर हो । खरायोलाई खासगरी बालबालिकासँग एकदमै मिल्ने साथीका रूपमा लिइन्छ र प्राय: घरमा बालबालिकाहरूकै आग्रहमा खरायो पालिएको हुन्छ । यसरी बालबालिकाहरूका लागि पालिएको खरायोलाई कसरी स्वस्थ राख्न सकिन्छ र यसबाट हामीलाई के–कस्ता स्वास्थ्य समस्या हुन सक्छन्, सचेत हुनु आवश्यक छ । 

नारी संवाददाता , पुस ११, २०७६

-- पुरै पढ्नुहोस् --

घरपालुवा खरायोको हेरचाह

प्रायः खरायो ६ देखि ८ वर्ष बाँच्छन् भने ६ महिनामा उनीहरू वयस्क हुन्छन् र २८ दिनमै बच्चा जन्माउँछन् । खरायोले एकपटकमा सरदर ४ देखि १४ वटासम्म बच्चा जन्माउँछ । यही नै घरपालुवा खरायोको प्रमुख समस्या हो । छिटोछिटो र थुप्रै सन्तान उत्पादनले अनेकौं समस्या निम्त्याउँछ ।

डा. शरद सिंह यादव, भाद्र १, २०७६

-- पुरै पढ्नुहोस् --

कुकुरका लागि ग्रुमिङ सामग्री

कुकुरका लागि बडी बेल्ट, हार्डनेस बडी बेल्टहरू पनि उपलब्ध हुन्छन् । कुकुर्नीका लागि विभिन्न रंग तथा डिजाइनका हेड ब्यान्ड, क्लिप तथा रबरहरू पनि बजारमा आएका छन् भने कुकुरका लागि थुप्रै किसिमका खेलौना उपलब्ध छन् । उनीहरूको मुड फ्रेस बनाउन, एक्सरसाइज गराउन तथा एक्लै बस्दा नियास्रो नलागोस् भनेर खेलौना दिन सकिन्छ ।

प्रवीन बज्राचार्य, असार २६, २०७६

-- पुरै पढ्नुहोस् --

घरपालुवा कछुवाको रेखदेख

घरपालुवाका रूपमा अहिले कछुवा पाल्ने चलन निकै बढेको छ । अरूभन्दा फरक प्रकारको घरपालुवा हो कछुवा । कछुवा पृथ्वीमा करिब १० करोड वर्षदेखि अस्तित्वमा रहेको अनुमान छ । यो सबैभन्दा बढी बाँच्ने जनावर पनि हो ।

डा. शरद सिंह यादव, फाल्गुन २९, २०७५

-- पुरै पढ्नुहोस् --