कभर गर्ल

मुम्बईमा संघर्षरत सेसा

नेपाली चेली सेसा पौडेल मुम्बईमा आफ्नो करियरलाई उचाइमा पुर्‍याउने क्रममा छिन् । काठमाडौंस्थित बालाजुमा जन्मिएकी उनी सानैदेखि नृत्य र एक्टिङमा सक्रिय थिइन् । होस्टलमा बस्दा नाचगान गर्ने छुट नभए पनि उनी लुकीलुकी ऐनाअगाडि अभिएर नाच्थिन् । कक्षा ५ पढ्दासम्म नेपाली–हिन्दी चलचित्रबारे पौडेललाई खासै ज्ञान थिएन । तर, जब उनले सलमान र जरिन खान अभिनीत ‘वीर’ हिन्दी चलचित्र हेरिन्, त्यसपछि उनले आफूलाई चलचित्रकी महिला पात्र ठान्न थालिन् । ‘त्यो चलचित्रको पात्रमा यति धेरै डुबें कि मैले आफूलाई सलमान खानकी श्रीमती ठान्न थालें’ उनी भन्छिन्, ‘चलचित्रमा हिरोको मृत्युपछि मैले आफूलाई निरस, उदास र भारी मन बोकेकी विधवा भन्न थालें । मलाई त्यही घटनाले वर्ष दिनसम्म पिरोलिरह्यो । त्यसपछि मैले यो क्षेत्रमा केही गर्न सक्छु कि भनेर मुम्बईको यात्रा तय गरें ।’ यसमा उनका परिवारको सदस्य मुम्बईमा बस्ने भएकाले उनको यात्रा केही सहज बन्यो । प्रवेशिका परीक्षापछि मुम्बई पुगेकी सेसाले फिल्म मेकिङ पढ्दै त्यहाँका केही एजेन्सी र प्रडक्सन हाउसको नाम र नम्बर टिपेर राख्थिन् । भिजिट गरेका ठाउँहरूमा उनी कलमले टिक लगाउँथिन् । ‘सयौं पटक रिजेक्ट भएँ तर हार खाइन । आज त्यसैको प्रतिफल पाइरहेकी छु,’ उनी भन्छिन् । पछिल्लो समय भारतीय गीतका म्युजिक तथा अन्य मल्टिनेसनल ब्रान्डका विज्ञापनका भिडियोहरूमा खुबै देखिन्छिन् । ‘परिश्रमको फल एकदिन पाइँदोरहेछ । तर धैर्य भने हुनुपर्ने रहेछ,’ उनी भन्छिन् । उनले ‘जारा’ तथा ‘निभिया’ ब्रान्डका ‘टीभीसी’ र ‘नर्वेजियन’ ब्रान्ड ‘बबल टी बोबा चा’ को विज्ञापनमा काम गरिसकेकी छन् । नेपालको भने डाबर गुलाबरीको विज्ञापनमा उनलाई देख्न सकिन्छ । ‘बबल टी’ का लागि अडिसनमा उपस्थित हजारभन्दा बढी सुन्दरीलाई पछि पार्दै उनी छानिएकी रहिछन् । लगातार ६ वर्षसम्म उक्त ब्रान्डका लागि उनले काम गरिन् । उनका ‘अपकमिङ प्रोजेक्ट’ थुप्रै छन् । अबको केही समय डाबर, टिभिएस स्कुटी, जि–म्युजिकका लागि म्युजिक भिडियोमा उनी व्यस्त हुँदैछिन् । चलचित्रमा जाने इच्छा भएर त्यसका लागि आफूलाई अझ अब्बल बनाउनेतर्फ उनी प्रयासरत छिन् । सेसासँग अन्तरसंवाद बाल्यकाल कहाँ र कसरी बित्यो ?मैले बाल्यकाल रमाइलोसँग बिताएँ । मेरो बाल्यकाल काठमाडौंमै बितेको हो । अहिले सम्झिँदा पनि आश्चर्य लाग्छ । मुम्बई कसरी पुग्नुभयो ?सानैदेखिको मेरो करियर डेस्टिनेसन मुम्बई नै थियो । परिवार उतै बस्ने भएकाले सहज भयो । त्यहाँ पुगेपछि कत्तिको संघर्ष गर्नुपर्‍यो ?त्यहाँ मैले धेरै संघर्ष गरेकी छु । अहिलेको सफलता त्यसै प्राप्त भएको होइन । थुप्रै संघर्षका कथा यसमा लुकेका छन् । त्यहाँ कडा प्रतिस्पर्धा छ, आफूलाई अब्बल नबनाई केही सम्भव छैन । कयौं पटक म रिजेक्ट भएँ । तर मैले संधै कामलाई निरन्तरता दिँदै प्रयास गर्न कुनै कसर बाँकी राखिन । मुम्बई र यहाँ के फरक पाउनुभयो ?मैले नेपालमा त्यति धेरै काम नगरेकी हुँदा तुलनै गर्न सक्दिन । उता ठूलो मार्केट, ठूलो टिम र ठूलो बजेट छ । त्यहाँ काम गर्न कत्तिको चुनौती रहेछ ?त्यहाँ काम गर्न धेरै चुनौती छ । नेपाली चेली भएर मुम्बईमा सफलता हासिल गर्न सानो आँट, साहस र परिश्रमले हुँदैन । धेरै परिश्रम गर्नुपर्छ । आफूले गरेको कुन काममा बढी सन्तुष्ट हुनुहुन्छ ?मैले गरेका हरेक काम मेरा लागि उत्तिकै प्रिय र महत्वपूर्ण छन् । त्यसमध्ये नर्बेजियन ब्रान्डको ‘बबल टी बोबा चा’ ले मलाई भित्रैदेखि आत्मसन्तुष्टि प्रदान गरेको छ । धर्मप्रति कत्तिको आस्था छ ?म आस्तिक हुँ । तीजमा व्रत बस्छु । पर्वहरूमा मन्दिर गइरहन्छु । म अरूका लागि नभएर आफ्नै सन्तुष्टिका लागि व्रत गर्छु । दसैंलाई नारी शक्तिको चाड भनिन्छ, यसमा तपाईंको धारणा के छ ?नारी पूजनीय हुन् । भलै अहिलेको समयमा विविध खाले हिंसा, विभेद देखिन्छन् । नारीविना सृष्टि सम्भव छैन भन्ने बुझेर पनि उनीहरूमा भएको शक्तिलाई सम्मान गर्न जरुरी छ । महिलालाई निर्णायक तहसम्म पुर्‍याउन के जरुरी ठान्नुहुन्छ ?महिला स्वयं कमान्डिङ र स्ट्यान्ड लिन सक्ने हुनुपर्छ जस्तो लाग्छ । नेपाली युवाका लागि के सुझाव छ ?आफूभित्रको क्षमतामा विश्वास गर्नुपर्छ । आफ्नो कर्ममा केन्द्रित हुँदै निरन्तर उन्नति एवं प्रगतिका लागि अग्रसर हुनुपर्छ । पाठकलाई केही भन्न चाहनुहुन्छ कि ?नेपाली चेलीले चाहे भने परिवर्तन र विकास सम्भव छ । मैले पनि विदेशी भूमिमा संघर्ष गरेर नेपाल र नेपालीको मान बढाउने प्रयास गरिरहेकी छु । यसका लागि मलाई सबैको साथ, सहयोग र मायाको खाँचो छ । मेरा तमाम पाठकलेयसमा हौसला र प्रेरणा प्रदान गर्नुहन्छ भन्ने विश्वास लिएकी छु ।पहिरन : तेन्जिन छेतेन भुटिया, कुट्योर वसुन्धरागहना : दीपा गौतम थापा, ड्रिम द डायमण्ड टंगालमेकअप तथा हेयर : रुस्का वैद्य सिटिइभिटी स्कुल अफ ब्युटिसियनआइटिसी, नक्साल, भगवती बहाललोकेसन : शंकर होटल, लाजिम्पाटतस्बिर : महेश प्रधान 

 लक्ष्मी भण्डारी, आश्विन ६, २०७९

-- पुरै पढ्नुहोस् --

प्रकृतिप्रेमी सृष्टि

‘मिस नेपाल २०१२’ की विजेता हुन्–सृष्टि श्रेष्ठ । सानैदेखि शान्त र अन्तर्मुखी स्वभावकी उनी पछिल्लो समय चलचित्र र थिएटरमा सक्रिय छिन् ।

लक्ष्मी भण्डारी, भाद्र ५, २०७९

-- पुरै पढ्नुहोस् --

‘बच्चैदेखिको गन्तव्य मिस नेपाल’

सपना ठूलै हेरौं, सोहीअनुसारको काम र परिश्रम गरौं । जीवनमा असफल हुनुपर्छ, एक न एकपटक लड्नैपर्छ । पछारिएर जब उभिन्छौं, तब गर्वले छाती फुलाएर हिँड्न सकिन्छ ।

नारी संवाददाता , श्रावण ४, २०७९

-- पुरै पढ्नुहोस् --

‘नेपालप्रति विश्वको ध्यानाकर्षण गर्न पहल गर्नेछु’

शिक्षा पहिलो जड हो । शिक्षाले नै आत्मनिर्भर र दृढ बनाउँछ ।

नारी संवाददाता , श्रावण ४, २०७९

-- पुरै पढ्नुहोस् --

‘उद्देश्य त नीलो ताज नै हो’ 

तेह्रथुम घर भई काठमाडौंमा जन्मिएकी प्रियंकारानी जोशी यो वर्षको ‘मिस नेपाल वर्ल्ड–२०२२’ ताज पहिरन सफल भएकी छन् ।

लक्ष्मी भण्डारी, श्रावण २, २०७९

-- पुरै पढ्नुहोस् --

संगीतमा शक्ति

सानै उमेरमा चर्चाको शिखर चुमेकी गायिका हुन्–मेलिना राई । दार्जीलिङमा जन्मिएकी उनको पारिवारिक वातावरण संगीतमय थियो । बुवा जीवेशकुमार राई संगीत प्रशिक्षक थिए । बुवाको प्रेरणाले संगीतमा लागेको बताउने मेलिनाले ११ वर्षको उमेरदेखि गीत गाउन थालेकी हुन् ।

लक्ष्मी भण्डारी, असार ७, २०७९

-- पुरै पढ्नुहोस् --

अभिनयबाटै सन्देश 

मैले छान्ने कथाहरू महिला केन्द्रित भए भने तिनले ठूलो अर्थ राख्छन्, सामाजिक परिवर्तन ल्याउँछन् ।

लक्ष्मी भण्डारी, जेष्ठ ४, २०७९

-- पुरै पढ्नुहोस् --

मातृत्व अनुभूति

यो संसारमा सबैभन्दा सजिलो र अनमोल शब्द हो–आमा । आमा शब्दलाई कुनै परिभाषाको आवश्यकता पर्दैन । किनभने यो शब्दमा अनुभूति समाहित छ । आमा प्रेम, त्याग र सेवाकी प्रतिमूर्ति हुन्, ईश्वरकी प्रतिरूप पनि हुन् ।

लक्ष्मी भण्डारी, वैशाख १६, २०७९

-- पुरै पढ्नुहोस् --

नम्र नम्रता 

आगामी तयारी भनेको कसरी उत्कृष्ट प्रस्तुति दिने भन्ने नै हो । त्यसका लागि म आफूलाई मानसिक, शारीरिक र बौद्धिक रूपमा तम्तयार अवस्थामा रहने गरी आवश्यक कार्यहरू गरिरहेकी छु ।

 लक्ष्मी भण्डारी, चैत्र ४, २०७८

-- पुरै पढ्नुहोस् --

विवाहिताको सफल यात्रा 

महिलामाथि हुने हरेक प्रकारका हिंसा अन्त्यका लागि बलियो कानुन बनाउनुपर्छ । महिला स्वयं अब आवाज उठाउन सक्ने हुनुपर्छ ।

नारी संवाददाता , फाल्गुन ३, २०७८

-- पुरै पढ्नुहोस् --

स्पष्टवक्ता नम्रता

नम्रता श्रेष्ठ नेपाली चलचित्र क्षेत्रमा सम्भावना बोकेकी अभिनेतृ हुन् । दर्जनौं ‘र्‍याम्प शो’ मा मोडलिङ गर्दै चलचित्रमा प्रवेश गरेकी उनले ‘रुदाने’, ‘आस्था’, ‘गाँठो’, ‘जानी–नजानी’, ‘माछा–माछा’ आदि चलचित्रमा अभिनय गरिसकेकी छन् ।

 लक्ष्मी भण्डारी, माघ १३, २०७८

-- पुरै पढ्नुहोस् --