कभर गर्ल

बहुप्रतिभाशाली इन्दिरा

 नेपाली सांगीतिक क्षेत्रमा फरक पहिचान बनाएकी इन्दिरा जोशीले तीन सयभन्दा बढी गीतमा स्वर दिइसकेकी छन् । १२ वर्षअघि ‘डान्स विथ मी सोलो एल्बम’ निकालेयता उनलाई पछाडि फर्केर हेर्न परेको छैन । परासीको बन्जरिया गाउँमा जन्मिएकी इन्दिराको घरमा शिक्षालाई असाध्यै महत्व दिने र अनुशासनलाई केन्द्रमा राख्ने वातावरण थियो । बाल्यकालीन स्मृतिका पाना पल्टाउँदै उनले भनिन्, ‘म सानैदेखि गीत गाउँथें । विद्यालयमा हुने विभिन्न प्रतिस्पर्धामा भाग लिन्थें । लोकगीतमा खासै रुचि थिएन र पनि क्षेत्रीय लोकगीत प्रतिस्पर्धामा द्वितीय भएकी थिएँ । त्यसपछि नेपाल टेलिभिजनबाट प्रसारण हुने ‘को भन्दा को कम’ नामक बाल कार्यक्रममा गायनमा प्रथम भएँ । त्यसैका लागि म काठमाडौं आएकी थिएँ । लगत्तै म परासी फर्किएर एसएलसी सकेपछि मात्रै ‘नेपाली तारा’ का लागि पुनः काठमाडौं आएँ ।’ इन्दिराले पिपल्स क्याम्पसबाट ब्याचलर र गोल्डेन गेट कलेजमा मास्टर्स पढिन् । इन्दिराले जिंगल गाउने, रिमिक्स गर्ने, फोनको रिंगटोनका लागि स्वर दिने, आरजे–भिजे गर्ने, विभिन्न कार्यक्रममा उद्घोषण गर्ने, राष्ट्रिय–अन्तर्राष्ट्रिय कर्पोरेट शोहरूमा होस्ट गर्नेलगायतका काम गरिन् । यसले उनको क्षमता निखारिँदै गयो । ‘तर, जे गरे पनि स्टेज परफर्मेन्स मलाई औधी मन पर्छ’उनले भनिन् । स्टेजमा उनको प्रस्तुति पृथक् शैलीको हुन्छ । एकताका गायनसँगै नृत्यमा पनि पोख्त उनलाई नेपाली ‘म्युजिकल फेटरनिटी’ मा नेपाली ‘साकिरा’ को नामसमेत दिइएको थियो । गत वर्ष व्यवसायी तथा फेसन डिजाइनर शरद केडियासँग वैवाहिक जीवनमा बाँधिएकी उनी अब अझै सशक्त भएर संगीतमा लाग्ने बताउँछिन् ।  इन्दिरा अनुभवअहिले केमा व्यस्त हुनुहुन्छ ?‘साइराम पिक्चर्स’ सँग नयाँ एल्बमको ‘कन्ट्रयाक्ट साइन’ भयो । धेरै गीत रेकर्ड भइसके, केही बाँकी नै छन् । अहिले त्यसैमा काम भइरहेको छ । अन्य कामहरू पनि छन्, व्यस्तता घटेको छैन । वैवाहिक जीवन कस्तो चल्दैछ ?एकदमै रमाइलो र खुसीसाथ अगाडि बढिरहेको छ । अझ बलियो र सशक्त भएर आफ्नो क्षेत्रमा काम गर्ने साथ र हौसला मिलेको छ ।भिन्न संस्कार, परिवेश र चालचलनमा भिज्न कत्तिको सजिलो/अप्ठ्यारो भयो ?उहाँहरूको परिवार एकदम सिस्टममा चल्छ । पुरुषहरू व्यवसायमा र महिलाहरू सबै कुरामा अब्बल छन् । परिवार नै गीत–संगीतलाई माया र सम्मान गर्ने स्वभावको छ । त्यो परिवारभित्रका नारी सशक्त, हरेक कुराको ज्ञान भएका र व्यवस्थापन कलामा निपुण भएकाले मैले धेरै कुरा सिकिरहेकी छु । परिवारभित्र रिस, द्वेष र ईर्ष्याको भावना पटक्कै छैन । पुरुषहरूमा नारीलाई खुसी राख्यो भने परिवारमा खुसी र सम्पन्नता छाउँछ भन्ने बुझाइ छ । त्यसैले मलाई कुनै अप्ठ्यारो छैन । अझ बढी माया, साथ, सहयोग र प्रेरणा मिलिरहेको छ । संगीतको पछिल्लो ‘ट्रेन्ड’ लाई कसरी विश्लेषण गर्नुहुन्छ ?समयसँगै हरेक कुरा परिवर्तन भएजस्तै संगीतमा पनि फेरबदल आइरहन्छ, यो प्राकृतिक प्रकृया हो । पहिले सिडी, क्यासेट हुन्थ्यो क्रमशः पेन ड्राइभ हुँदै हामी अहिले प्रविधियुक्त समयमा आइसकेका छौं । अहिले संगीतमा लाग्ने हरेकलाई प्रविधिले सजिलो बनाइदिएको छ । यो क्षेत्र नाम, दाम र प्रतिष्ठा कमाउने राम्रो प्लेटफर्म बनेको छ । कुरा यत्ति हो आफ्नो कला, क्षमता र गायकीलाई आफैंले पनि अपडेट गर्दै लानुपर्छ । एउटी महिलाले जुनसुकै क्षेत्रमा सफलता हासिल गर्न के आवश्यकता पर्छ ?सर्वप्रथम महिला भित्रैदेखि खुसी हुनुपर्छ । हाम्रा हजुरआमा–आमाहरूले आफूलाई अरुको खुसीका लागि त्याग गरे । त्यसरी आफ्नो मन मार्दा पछि गएर पश्चाताप महसुस हुन्छ जस्तो लाग्छ । साना कुरामै किन नहोस् त्यसरी आफूलाई बलिदान दिँदा त्यसको असर र प्रभाव पूरा जीवन र अन्य कुरामा पनि पर्छ । अबका नारीले आफूलाई ‘भ्यालु’ दिने, आफूलाई माया गर्ने, आफ्नो महत्व बुझ्ने र पहिचान बनाउने कुरामा केन्द्रित हुनुपर्छ । खुसी भइयो भने सफल भइन्छ जस्तो लाग्छ । जीवन के रहेछ ?जीवन भनेकै आफ्नो उद्देश्य पत्ता लगाउनु हो भन्ने लाग्छ । जसले सामाजिक, आर्थिक, पारिवारिक रूपमा खुसी र सशक्त बनाओस् । आफूजस्ता दुई–चार जनालाई सहयोग गर्न सकियोस् । नयाँ योजना केही छ कि ?नयाँ गीतहरूको योजनामा छु । केही यात्रा र इभेन्ट गर्ने पनि मेरो तालिकामा छ । पाठकलाई के सन्देश छ ?पछिल्लो समय नारीको परिभाषा परिवर्तित भई उनीहरुको आफ्नै आवाज र अस्तित्व छ । प्रायः महिला कामकाजी र सक्षम छन् । आफ्नो क्षमतामा विश्वास गरेर खुसी भई समाज र राष्ट्रको पाटो फेर्न सक्ने आँट राख्नुहोस् । पहिरन : मनीष राई तथा केडिएस्टायलिस्ट : विनीता तामाङ, सञ्जु श्रेष्ठ र सीमा श्रेष्ठज्वेलरी : ए. एन.एक्स हेयर तथा मेकअप : रुस्का बैद्य श्रेष्ठ, आइसीटी स्कुल अफ ब्युटी नक्साललोकेसन : वञ्जला मस्कभा, नक्सालतस्बिर : महेश प्रधान  

लक्ष्मी भण्डारी, माघ १५, २०७९

-- पुरै पढ्नुहोस् --

सशक्त तोसिमा

संसदीय निर्वाचन–०७९ मा एउटा चर्चित नाम हो–डा. तोसिमा कार्की । ललितपुर–३ बाट राष्ट्रिय स्वतन्त्र पार्टीबाट उनी ३१ हजार १३६ मत ल्याई विजय भएकी हुन् । पाटन स्वास्थ्य विज्ञान प्रतिष्ठानको अध्यापकबाट राजीनामा दिई उनी राजनीतिमा आएकी हुन् ।

लक्ष्मी भण्डारी, पुस १४, २०७९

-- पुरै पढ्नुहोस् --

आत्मविश्वासी सोफिया

सानैदेखि हक्की र साहसी सोफिया भुजेल सन् २०२२ की ‘मिस युनिभर्स नेपाल’ विजेता हुन् । आगामी जनवरी १४ मा अमेरिकाको न्यू ओर्लिन्समा हुने ‘मिस युनिभर्स’ मा उनी नेपालको तर्फबाट प्रतिनिधित्व गर्दैछिन् ।

लक्ष्मी भण्डारी, मंसिर ७, २०७९

-- पुरै पढ्नुहोस् --

प्रतिभाशाली दिदीबहिनी

गायिका, मोडल तथा कलाकार नवश्रीको ‘हर नाद’ गीतको म्युजिक भिडियो हालै रिलिज भएको छ ।

 लक्ष्मी भण्डारी, कार्तिक ७, २०७९

-- पुरै पढ्नुहोस् --

मुम्बईमा संघर्षरत सेसा

सानैदेखिको मेरो करियर डेस्टिनेसन मुम्बई नै थियो । परिवार उतै बस्ने भएकाले सहज भयो । 

 लक्ष्मी भण्डारी, आश्विन ६, २०७९

-- पुरै पढ्नुहोस् --

प्रकृतिप्रेमी सृष्टि

‘मिस नेपाल २०१२’ की विजेता हुन्–सृष्टि श्रेष्ठ । सानैदेखि शान्त र अन्तर्मुखी स्वभावकी उनी पछिल्लो समय चलचित्र र थिएटरमा सक्रिय छिन् ।

लक्ष्मी भण्डारी, भाद्र ५, २०७९

-- पुरै पढ्नुहोस् --

‘बच्चैदेखिको गन्तव्य मिस नेपाल’

सपना ठूलै हेरौं, सोहीअनुसारको काम र परिश्रम गरौं । जीवनमा असफल हुनुपर्छ, एक न एकपटक लड्नैपर्छ । पछारिएर जब उभिन्छौं, तब गर्वले छाती फुलाएर हिँड्न सकिन्छ ।

नारी संवाददाता , श्रावण ४, २०७९

-- पुरै पढ्नुहोस् --

‘नेपालप्रति विश्वको ध्यानाकर्षण गर्न पहल गर्नेछु’

शिक्षा पहिलो जड हो । शिक्षाले नै आत्मनिर्भर र दृढ बनाउँछ ।

नारी संवाददाता , श्रावण ४, २०७९

-- पुरै पढ्नुहोस् --

‘उद्देश्य त नीलो ताज नै हो’ 

तेह्रथुम घर भई काठमाडौंमा जन्मिएकी प्रियंकारानी जोशी यो वर्षको ‘मिस नेपाल वर्ल्ड–२०२२’ ताज पहिरन सफल भएकी छन् ।

लक्ष्मी भण्डारी, श्रावण २, २०७९

-- पुरै पढ्नुहोस् --

संगीतमा शक्ति

सानै उमेरमा चर्चाको शिखर चुमेकी गायिका हुन्–मेलिना राई । दार्जीलिङमा जन्मिएकी उनको पारिवारिक वातावरण संगीतमय थियो । बुवा जीवेशकुमार राई संगीत प्रशिक्षक थिए । बुवाको प्रेरणाले संगीतमा लागेको बताउने मेलिनाले ११ वर्षको उमेरदेखि गीत गाउन थालेकी हुन् ।

लक्ष्मी भण्डारी, असार ७, २०७९

-- पुरै पढ्नुहोस् --

अभिनयबाटै सन्देश 

मैले छान्ने कथाहरू महिला केन्द्रित भए भने तिनले ठूलो अर्थ राख्छन्, सामाजिक परिवर्तन ल्याउँछन् ।

लक्ष्मी भण्डारी, जेष्ठ ४, २०७९

-- पुरै पढ्नुहोस् --