कला

किरणको ‘समर्पण’

उमेरले किरण मानन्धर ७० वर्ष पुगिसकेका छन् । उनका हातहरू अझै पनि क्यानभासमा दौडिरहन्छन् । उनी नेपाली कला सिर्जनामा करिब ६ दशकदेखि क्रियाशील छन् । उनको कलाप्रतिको प्रेम साउनमा बबरमहलस्थित सिद्धार्थ आर्ट ग्यालरीमा देखियो । ‘समर्पण’ शीर्षकमा उनले ४२ वटा चित्रकलाको एकल प्रदर्शनी गरे । लामो समयदेखि ‘एब्सट्रयाक’ पेन्टिङमा पहिचान बोकेका उनी केही समय एब्सट्रयाक पेन्टिङमा ‘फोकस’ भए । ‘समर्पण’ मार्फत पुनः फिगरेटिभ ‘फर्म’ लाई स्थान दिएका छन् । प्रायः जुटका बोरामा अमूर्त चित्रहरू उतार्ने उनले मिलेको क्यानभासमा ब्रस (कुची) खेलाएका छन् । पहेंलो, सेतो, रातो रंगमा देवीहरूलाई उतारेका छन् र ज्वालालाई रातो रंग, सेतोलाई चाँदीको बिम्ब मान्दै उनले पहेंलो रंगलाई वैभवको रूपमा प्रतिनिधित्व गरेका छन् । मानन्धरले हिन्दू र नेवारी समुदायको आस्थाका प्रतीक विभिन्न भगवान्का रूपलाई क्यानभासमा उतारेका छन् । उनले गणेश, लाखे, कृष्णलगायत भगवान्का प्रतीकलाई क्यानभासमा ‘आधुनिक ढंग’ बाट उतारेर उनीहरूका गुणलाई देखाउन खोजेका छन् । भारतको बनारसबाट ललितकलामा स्नातकोत्तर तह उत्तीर्ण गरेका उनले कलाकारलाई चरासँग दाँज्छन् । उनले कलाकारहरू नयाँ कुराको खोजीमा रमाउनुपर्ने बताए । उनले भने ‘कलाकार चरा जस्तै हुनुपर्छ । आहाराको खोजीमा चरा हिँडेजस्तै कलाकारहरूले पनि नयाँपनका लागि खोजी गर्नुपर्छ ।’ चरा कहिल्यै एउटा फल खाएर अघाउँदैन । कलाकारमा पनि त्यही गुण हुनुपर्ने उनी बताउँछन् ।  

नारी संवाददाता , भाद्र ९, २०७९

-- पुरै पढ्नुहोस् --

प्रिन्ट कलामा टिकट

प्रत्येक व्यक्तिका आ–आफ्नै रुचि हुन्छन् । त्यही रुचिलाई धेरैले आ–आफ्नो जीवनमा पछ्याइरहेका हुन्छन् । तर, आफ्नो रुचिलाई पछ्याउँदै प्रिन्ट कलामार्फत रूपान्तरण गर्नेहरू बिरलै भेटिन्छन् । विद्याधीश राजभण्डारी तिनैमध्येका एक थिए ।

सुशीला तामाङ, असार १२, २०७९

-- पुरै पढ्नुहोस् --

सिर्जनामा थैली र टुँडाल

आधुनिक प्रविधियुक्त युगमा मानिस द्रुत गतिमा लम्किरहेका छन् । विश्व भूगोलको नक्सामा आफ्नै भन्ने कुरा नरहे पनि उसलाई विगतका पल र भोगाइले कहाँ पछ्याउन छोड्छन् र ? विगतका अनुभव र स्मृतिहरूलाई चित्रकार सौरगंगा दर्शनधारीले जीवनकै महत्वपूर्ण पक्षका रूपमा परिभाषित गर्न सक्रिय छिन् ।

नारी संवाददाता , असार १२, २०७९

-- पुरै पढ्नुहोस् --

चित्रमा रजस्वला 

ललितपुरस्थित लेलेमा जन्मिएकी रुक्मणी श्रेष्ठले रजस्वलाको विभेद सानैदेखि भोग्नुपर्‍यो । सहरमा हुर्केकी उनलाई रजस्वलाको पीडा सुदूरपश्चिमको छाउपडीझैं लागिरह्यो । उनले रजस्वला हुँदा आमाबाहेक कसैलाई हेर्ने अनुमतिसम्म पाइनन् । घरमा अछूतको जस्तो व्यवहार झेल्नुपर्‍यो ।

नारी संवाददाता , जेष्ठ ३, २०७९

-- पुरै पढ्नुहोस् --

काइँयोमा बिम्बात्मक सिर्जना

काइँयोलाई समस्या समाधानको प्रतीक मान्छिन्, चित्रकार सविता डंगोल । यसो मान्नुको उनको आफ्नै तर्क छ । उनी भन्छिन्, ‘काइँयोले जसरी लट्टा फुकाउँछ, त्यसरी नै जीवनमा समस्याको समाधान गर्न सकिन्छ ।’

नारी संवाददाता , जेष्ठ २, २०७९

-- पुरै पढ्नुहोस् --

एकै थलोमा कलाकार

अन्तर्राष्ट्रिय कला महोत्सव ‘काठमाडौं ट्रिएनाले २०७८’ यतिबेला राजधानीमा चलिरहेको छ । महोत्सवमा ४० देशका १३० भन्दा बढी कलाकार ३०० भन्दा बढी सिर्जना लिएर सहभागी भएका छन् ।

नारी संवाददाता , चैत्र २१, २०७८

-- पुरै पढ्नुहोस् --

कलामा प्रकृति 

पोखरास्थित वसुन्धरा पार्कमा कलाकार अञ्जिला राउतले एकदिने चित्रकला प्रदर्शनी गरिन् । उनले प्रदर्शनीमा पछिल्लो दुई वर्षयता कोरेका ३६० वटा चित्र प्रदर्शनीमा राखेकी थिइन् । चित्रहरू प्रकृतिसँग सम्बन्धित थिए ।

नारी संवाददाता , चैत्र २१, २०७८

-- पुरै पढ्नुहोस् --

कलाकारको ‘कनेक्टेड क्रिएटिभिटी’

प्रकृति र मानव जीवनसँग रमाउने कलाकार हुन्–सरिता डंगोल । उनका अधिकांश चित्रहरूमा यही दुई चरित्रको सजीव प्रस्तुति भेटिन्छ । यतिबेला उनले आफ्नो कुचीको माध्यमबाट सिर्जित चित्र ललितपुर चाकुपाटस्थित ‘क्लासिक ग्यालरी’ मा प्रदर्शनमा राखेकी छन् ।

नारी संवाददाता , फाल्गुन २२, २०७८

-- पुरै पढ्नुहोस् --

पाटनढोकामा ‘आमाको थैली’ 

ललितपुरकी चित्रकार सौरगंगा दर्शनधारीकी आमाले पटुकीमा थैली राख्थिन् । त्यो थैलीमा राखिएका चानचुने पैसाको आवाजले उनलाई बाल्यकालमा छुट्टै भाव दिन्थ्यो ।

नारी संवाददाता , माघ २५, २०७८

-- पुरै पढ्नुहोस् --

सुप्रियाका हिंसा बोल्ने चित्र

नेपाली समाजमा महिलामाथि विभेद र हिंसा कायमै छ । १६ वर्षीया सुप्रिया पाण्डेले यसैलाई विषयवस्तु बनाई क्यानभासमा उतारेकी छन् ।

नारी संवाददाता , माघ ५, २०७८

-- पुरै पढ्नुहोस् --

रंगमा रमाउने चिकित्सक

उनको चित्रमा उनकै मनोभाव देखिन्छ । एक्रेलिक शैली क्यानभासमा उतार्ने सविनाको चित्रमा नीलो रंग बढी देखिन्छ । नीलो रंगले सकारात्मक ऊर्जा दिने भएकाले पनि आफूलाई यो रंग मन पर्ने उनले बताइन् ।

प्रकृति दाहाल , कार्तिक ११, २०७८

-- पुरै पढ्नुहोस् --