महिला सिर्जनशील केन्द्रले यही साउन २७ गतेदेखि ३१ सम्मको पाँच दिने १५ औं डाबर स्पेशल तीज महोत्सव २०७३ आयोजना गर्ने भएको छ । बुधबार जारी एक पत्रकार सम्मेलनमार्फत महिलाहरुको विशेष पर्व तीजको अवसरमा डिएसीसी नेपाल प्रा.लि.को व्यवस्थापनमा महोत्सव आयोजना हुन लागेको जानकारी गराइएको हो । विगत १५ वर्षदेखि महिला सिर्जनशील केन्द्रले तीज महोत्सव आयोजना गर्दै आएको छ ।
त्रिपुरेश्वस्थित युनाइटेड वल्र्ड ट्ेरड सेन्टमा डाबर स्पेशल हेयर आयलको मुख्य प्रायोजनमा हुन लागेको उक्त महोत्सव महिला स्वयं आत्मनिर्भर बन्न सकुन् भन्ने हेतुले प्लेटफर्मका रुपमा महोत्सव आयोजना गर्दै आएको छ । महिला उद्यमशीलतालाई बढावा दिन महोत्सव गर्न लागिएको महिला सिर्जनशील केन्द्रकी अध्यक्ष मिलु थापाले बताइन् । तीज महिलाहरुका लागि महान् चाड भएकाले उनीहरुलाई हौसला प्रदान गर्दै उनीहरुको उद्यमशीलतालाई पनि अवसरको रुपमा प्रस्तुत गर्न यस्तो महोत्सवले प्रभावकारी भूमिका खेल्ने थापाको दावी छ ।
तीजका लागि अति आवश्यक सामग्रीसहित पूजाका सामग्री, हस्तकला, साडी, कुर्ता, गिफ्ट सामग्री, मेहन्दी, होम अप्लाईन्सेस आदि गरी प्रदर्शनीमा ९० भन्दा बढी स्टल राखिने छ । महोत्सव सफल बनाउन नारी म्यागजिन तथा टिभिएसको प्रायोजन रहेको छ भने स्पोर्टसका लागि सभा नेपाल साथै सुवीसु केवलनेट, इसीएस मिडिया, टाइम्स एफएमले साथ दिने भएका छन् ।
तस्विरहरु: नवराज वाग्ले