स्वस्थ जीवनशैलीका लागि खानुहोस् यस्तो ब्रेकफाष्ट
स्वस्थ जीवनका लागि पनि सन्तुलित र स्वास्थ्यबर्धक खानपिन पनि उतिकै जरुरी हुदैगएको छ । त्यसैले बिहानको पहिलो खानपिन यस्तो किसिमको गर्न पोषणविद्हरुले सुझाउने गरेका छन् ।
स्पाइसी विंग्स
सामग्री : चिकेन विंग्स ६ पिस, कर्नफ्लोर २ चम्चा, मैदा २ चम्चा, अण्डा १ वटा, साल्ट पेपर स्वादअनुसार, अदुवा र लसुनको पेस्ट १ चम्चा, खुर्सानीको सस १५ ग्राम तथा टोमाटो प्युरी १ चम्चा ।
खुर्सानीको सस बनाउने विधि : प्याज चप, लसुन चप र सेलरी चपलाई तेलमा खैरो हुन्जेल फ्राई गर्ने । खुर्सानीलाई उमालेर ब्लेन्ड गरी त्यसमा फेरि फ्राई गर्ने ।
विधि : चिकेन विंग्सलाई कर्नफ्लोर, मैदा र अण्डाको मिक्सरमा डुबाएर डिप फ्राई गर्ने । डिप फ्राई भएपछि त्यसलाई अघि तयार पारिएको खुर्सानीको ससमा डुबाएर एकछिन पकाउने ।
चिकेन सात्ते
सामग्री : चिकेनको छातीको भाग ( छड्के काटिएको) १ सय ग्राम, अदुवा र लसुनको पेस्ट २ चम्चा, खुर्सानीको धूलो स्वादअनुसार, साल्ट पेपर स्वादअनुसार । बदाम ५० ग्राम तथा बटर २ चम्चा ।
विधि : सम्पूर्ण मरमसलालाई मिक्स गरी तावामा ग्रिल गर्ने । बदामलाई पिसेर बटरमा खुर्सानीको धूलो हाली एकछिन पकाउने । चिकेन सात्तेबदामको अचारसँग एकदमै मीठो हुन्छ ।
चिकेन फिरफिरे
सामग्री : बोनलेस चिकेन १० पिस, अण्डा १ वटा, कर्नफ्लोर र मैदा १ चम्चा, अदुवा र लसुनको पेस्ट १ चम्चा, साल्ट पेपर स्वादअनुसार, दाना जिरा १ चम्चा, लसुन चप १ चम्चा, खुर्सानीको सस २ चम्चा, केचप २ चम्चा तथा दही ३ चम्चा ।
विधि : कर्नफ्लोर, मैदा, अण्डा, अदुवा र लसुनको पेस्ट तथा साल्ट पेपरलाई मेरिनेट गरेर डिप फ्राई गर्ने । अर्काे प्यानमा थोरै तेल हालेर दाना जिरा फुराउने, त्यसपछि लसुन चप फुराउने । त्यसमा हट सस, केचप एवं दही हालेर चिकेनलाई एक मिनेटजति पकाउने ।
चिकेन छ्वेला
सामग्री : चिकेन १ सय ग्राम, पोलेको लसुन २० ग्राम, रेड चिल्ली पाउडर २ चम्चा, जिरा धनियाँ १० ग्राम तथा तोरीको तेल २ चम्चा ।
विधि : चिकेनलाई डाइस कटमा काटेर ग्यासमा सेक्ने । त्यसमा लसुन, रेड चिल्ली, जिरा र धनियाँ हालेर ब्लेन्ड गर्ने । उक्त मसलाको पेस्टलाई पोलेको मासुमा हालेर मोल्ने । त्यसमा भुटेको तोरीको तेल हाली माथिबाट धनियाँ छर्किने ।
सेरेड चिकेन
सामग्री : चिकेनको छातीको भागलाई जुलियन कट काटेर १ सय ग्राम, अण्डा १ वटा, कर्नफ्लोर र मैदा २ चम्चा, अदुवा र लसुनको पेस्ट २ चम्चा, साल्ट पेपर स्वादअनुसार । प्याज चप २० ग्राम, लसुन चप १० ग्राम, अदुवा १० ग्राम, टोमाटो चप १० ग्राम तथा हट सस २ चम्चा ।
विधि : चिकेनको छातीको भागलाई अण्डा, कर्नफ्लोर तथा मैदाको मिक्सरमा डुबाएर डिप फ्राई गर्ने । प्याज, अदुवा, लसुन तथा टोमाटो चपलाई प्यानमा तेल तताई ब्राउन कलर आउने गरी भुटेर चिकेनमा मिक्स गरिदिने । अब यो सेरेड चिकेन साल्ट पेपर तथा टिम्मुर छर्केर खान तयार भयो ।
- ब्रिक्स क्याफे कुपन्डोल
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |