Successfully Copied

हाइजेनिक भान्सा

पकाइएको परिकार धेरै बेरसम्म राख्नु हुँदैन । यसलाई बारम्बार तताइरहँदा खाना बिग्रनुका साथै त्यसको वास्तविक स्वाद एवं पोषक तत्वसमेत कम हुन्छ ।

चक्कुको सफाइ

हरेकपटक प्रयोग गरेपछि चक्कु पखाल्नुपर्छ । दिनको अन्त्यमा तातो साबुनपानीको घोलले चक्कु सफा गर्नुपर्छ । यति गरे चक्कुमा भएका कीटाणुसमेत नष्ट हुन्छन् ।

कटिङ बोर्ड

घरमा शाकाहारी तथा मांसाहारी दुवै थरीका सदस्य छन् भने दुईवटा कटिङबोर्ड राख्नुपर्छ । मांसाहार सामग्री काट्दा कटिङबोर्डमा किटाणु फैलन्छ जसलाई भगाउन हाइड्रोजन प्याराअक्साइड प्रयोग गर्न सकिन्छ । यसबाट किटाणु सजिलै नष्ट हुन्छ ।

खाना छोपेर राख्नुहोस्

भान्सामा प्रयोग हुने कराइ तथा डेक्चीलाई सधैँ छोपेर राख्नुपर्छ, जसले गर्दा त्यसमा लामखुट्टे, झिँगा वा अन्य किरा तथा फोहोर खस्न पाउँदैन ।

खाना नबचाउनुहोस्

पकाइएको परिकार धेरै बेरसम्म राख्नु हुँदैन । यसलाई बारम्बार तताइरहँदा खाना बिग्रनुका साथै त्यसको वास्तविक स्वाद एवं पोषक तत्वसमेत कम हुन्छ ।

डस्टबिनको आसपास बेकिङ सोडा छर्कनुहोस्

खराब भैसकेको खानाका कारण डस्टबिनबाट नराम्रो गन्ध निस्कन्छ । त्यसैले डस्टबिनको आसपास बेकिङ सोडा छर्कनुपर्छ, जसले त्यहाँ रहेका कीटाणु नाश गर्नुका साथै गन्ध फैलन दिँदैन । डस्टबिनको फोहोर धेरै समयसम्म भान्सामा राख्नु हुँदैन । यसको व्यवस्थापन छिटो–छिटो र नियमित गर्नुपर्छ ।

भुइँँको सफाइ

भान्सामा प्रयोग हुने सामग्री मात्र सफा गरेर हुँदैन, भुइँ पनि सफा राख्नुपर्छ । फोहोर भुइँमा झिँगा भन्कने भएकाले यसको नियमित सफाइ आवश्यक छ । सफा कपडा पानी वा डिटर्जेन्ट पाउडरको घोलमा भिजाएर भुइँ सफा गर्न सकिन्छ ।

 Image