साहित्यकार झमककुमारी घिमिरेको ‘जीवन काँडा कि फूल’ कृतिमा आधारित चलचित्र निर्माण भएको छ ।
दुई घण्टा समयावधिको उक्त चलचित्रको छायाङ्कन धनकुटास्थित घिमिरेको निवासस्थल तथा धरान र ललितपुरमा गरिएको छ ।
विनोद विष्टले निर्माण गरेको चलचित्रमा घिमिरेको सङ्घर्षका साथै उनले प्रयोग गर्ने सामग्रीलाई समावेश गरिएको छ ।
शारीरिक अपाङ्गता भएका व्यक्तिले पनि केही गर्न सक्ने सन्देश दिएकी घिमिरेको बौद्धिकतालाई बुझाउन यो चलचित्रले ठूलो सहयोग पुर्याउने विश्वास चलचित्र निर्माता बताउँछन् ।
चलचित्रमा रोजिता बुद्धाचार्य, किसन सुनार, उमा गिरीलगायतका कलाकारले अभिनय गरेका छन् । भने गायिका जुनु गौतमले गीत गाएकी छन् । चलचित्र आगामी चैत २२ गतेबाट देशभर प्रदर्शन गरिने बताइएको छ ।