हालै इन्डोनेसियाको पर्यटकीय शहर बालीमा सम्पन्न अन्तर्राष्ट्रिय सौन्दर्य प्रतियोगिता लिटिल एन्ड टिन प्रिन्स प्रिन्सेज–२०१९ मा नेपालबाट सहभागी टिम नेपाललाई प्रतियोगिताको मुख्य उपाधि सहित महत्वपूर्ण सफलता प्राप्त भएको छ । प्रतियोगितामा विशान कटवालले लिटिल प्रिन्सको मुख्य उपाधि सहित मोस्ट कन्फिडेन्ट अवार्ड जितेका थिए ।
यसैगरी लिटिल प्रिन्सेजतर्फ शैव्या घिमिरे विजेता भइन् भने उनले वेष्ट नेसनल कस्ट्युमको अवार्ड समेत जितेकी थिइन् । टिन प्रिन्सेज्को उपाधिमा पनि नेपालकी वेलिष्मा कटवाल विजयी भइन् । उनले ट्यालेन्ट विधाको अवार्ड समेत हात पारिन् ।
प्रतियोगिताका तीन मुख्य उपाधि बाहेक टिम नेपालले अन्य उपाधि पनि जितेको थियो । जसअनुरुप आध्या कार्कीले कन्जिनियालिटी, प्राप्ति राजभण्डारीले वेष्ट फोटोजेनिक, रिद्धिमा नेपालले एलिगेन्स तथा जेसिका राईले मोस्ट चार्मिङको अवार्ड आफ्नो नाममा सुरक्षित गरे । उक्त प्रतियोगिताका लागि टिम नेपालको चयन, प्रशिक्षण, संयोजन एवं व्यवस्थापन र्याडिएन्ट इभेन्ट म्यानेजमेन्ट एजेन्सीले गरेको थियो ।