पछिल्लो २५ वर्षदेखि सौन्दर्य प्रतियोगताको आयोजना गर्दै आइरहेको संस्था ‘दी हिडन ट्रेजर’ले मिस नेपाल २०२० को घोषणा गरेको छ । काठमाडौंमा सोमबार अघिल्लो वर्षका ५ अन्र्तराष्ट्रिय टाइटल विजेताहरूको उपस्थितिमा आगामी वर्षका लागि आवेदन खुला भएको घोषणा गरेको हो ।
जसमा मिस नेपाल वर्ल्ड २०१९ अनुष्का श्रेष्ठ, मिस नेपाल युनिभर्स २०१९ प्रदिप्ता अधिकारी, मिस नेपाल अर्थ २०१९ रिया बस्नेत, मिस नेपाल इन्टरनेसनल २०१९ मीरा कक्षपति र मिस नेपाल सुपरनेसनल २०१९ रोज राणा उपस्थित थिए ।
तर मिस नेपाल २०२० मा यी ५ अन्र्तराष्ट्रिय टाइटलमध्ये एक ‘मिस युनिभर्स २०२०’ नहुने भएको छ । अर्थात योपटकको मिस नेपालमा मात्रै ४ अन्र्तराष्ट्रिय टाइटलहरू हुने छन् । जसमा मिस नेपाल वर्ल्ड, मिस नेपाल अर्थ, मिस सुपरनेसनल र मिस इन्टरनेसनल रहनेछन् ।
मिस नेपाल २०२० को घोषणा गर्दै आयोजक टिमले केही दिनअघि मात्रै मिस युनिभर्सका आयोजक संस्थाले इमेलमार्फत योपटकको ‘दी हिडन ट्रेजर’को लाइसेन्स नवीकरण नगर्ने जानकारी पठाएको बताए ।
नेपालले मिस युनिभर्समा सहभागिता जनाएको गत वर्षसहित ३ वर्ष मात्र भएको छ । मिस युनिभर्समा सहभागिता जनाउन प्रत्येक देशले हरेक वर्ष लाइसेन्स नवीकरण गरिरहनुपर्छ । पहिलो मिस नेपाल युनिभर्स २०१७ नग्मा श्रेष्ठ, दोस्रो (२०१८) मनिता देवकोटा र (२०१९) प्रदीप्ता अधिकारी बनेकी थिइन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
