१५ वर्षकी लुमिलाको संगीतप्रतिको रुचि पुरानै हो । घरमा सधैं सांगीतिक माहौल भइ रहने हुँदा गीतप्रतिको उनको लगाब हुनु स्वभाविक पनि हो । बरिष्ठ संगीतकार तथा गायक स्व द्वारीकालाल जोशीकी नातीनी तथा गायिका लसता जोशीकी छोरी हुन् लुमिला । हजुरबुबाका गीतहरु ‘माइतीघर तिम्रो होइन पराई घर जाऊ’, ‘बाधापरुन् जतिनै’ जस्ता गीतहरु सुन्न खुबै मनपर्छ ।
एसईईको तयारीमा रहेकी उनलाई कोरोनात्राससँगै परीक्षा स्थगित भएपछि संगीत अभ्यास गर्न सहज भयो । उनी अहिले यूरोपमा रहेका मामा शरद जोशीसँग अनलाइन गितार सिक्दै छिन् । शरदले धेरै वर्षदेखि विभिन्न देशमा रहेका व्यक्तिहरुलाई अनलाइन गितार कोर्ष सिकाउँदै आएका छन् ।
लकडाउनको एक हप्तापछि नै लुमिला सांगीतिक गतिविधिमा सक्रिय भइन् । अहिले युट्युब च्यानल खोलेर आफूलाई मन परेका नेपाली र अंग्रेजी गीतको कभर गाउँदै अपलोड गर्छिन् । एसईई अनिश्चित भएपनि उनमा निराशा आएन । संगीतले उनलाई सधै फ्रेस बनायो । प्रतिफल उनीे लकडाउनको अवधिमा अफैं गीत लेख्न र कम्पोज गर्नसक्ने भइन् ।
उनले गीत रेकर्ड गरी भिडियो बनाएर युट्युबमा समेत हालेकी छिन् । उनले ‘तिमी नै भन’बोलको उक्त गीत अहिलेको पुस्तालाई लक्षित गरी बनाएकी हुन् । लुमिला भन्छिनु, ‘सधैं पढाई, स्कूलमात्रै भइरहन्थ्यो । लकडाउन ब्रेकले आफू भित्रको क्षमता र रुचिलाई सिर्जनात्मक रुपमा पोख्न पाएँ ।’ उनले सांगीतिक क्षेत्रमा आफ्नो करिअर बनाउने योजना बनाएकी छिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
