पौडी खेलाडी गौरिका सिंह प्रभावशाली युवाहरूको सूची ‘फोर्ब्स थर्टी अन्डर थर्टी एसिया २०२१’ मा परेकी छन् । अमेरिकी पत्रिका‘फोर्ब्स’ले गौरिकालाई ‘इन्टरटेन्मेन्ट एन्ड स्पोर्ट्स’ तर्फ एसियाकै प्रभावशाली ३० युवामा राखेको हो ।
१८ वर्षीया गौरिकालाई प्रभावशाली युवामा समावेश गर्दै पत्रिकाले लेखेको छ, ‘गौरिका सिंह नौ वर्षको उमेरदेखि नै पौडीमा छिन् भने १२ वर्षदेखि नेपालका लागि प्रतिस्पर्धा गरिरहेकी छन् । उनले दक्षिण एसियाली खेलकुद–२०१९ मा चार स्वर्ण, दुई रजत र तीन कांस्य पदक जितिन् । उनी रियो ओलम्पिक–२०१६ मा सबैभन्दा कम उमेरकी खेलाडी थिइन् । टोकियो ओलम्पिक–२०२० का लागि पनि उनी छनोट भएकी छन्, जुन स्थगित भएर जुलाई–अगस्ट २०२१ मा हु“दैछ । पौडीबाहेक उनी समाजसेवामा पनि संलग्न छिन् । गैरनाफामूलक संस्थाहरू माइती नेपाल र शान्ति एजुकेसन इनिसिएटिभकी उनी सद्भावना दूत हुन् ।’
उनीसहित ३० वर्षमुनिका ३० जना प्रभावशाली युवालाई ‘फोर्ब्स’ले ‘थर्टी अन्डर थर्टी एसिया’ को ‘इन्टरटेन्मेन्ट एन्ड स्पोर्टस्’ विधामा समावेश गरेको हो ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
