गन्तव्य

फेवा किनारमा ‘साकुरा’ 

आन्तरिक पर्यटकलाई लक्षित गरी पोखरास्थित फेवातालको किनारमा महिला उद्यमी इन्दिरा तिमल्सिनाद्वारा ‘साकुरा’ होटल सञ्चालनमा छ । होटलमा आन्तरिक पर्यटकको चहलपहल बढी हुन्छ । कोभिडपछि विदेशी पर्यटकको आगमन कम भए पनि आन्तरिक पर्यटकहरूको चहलपहल बढेकोमा इन्दिरा खुसी छिन् । ‘साकुरा’ उनको दोस्रो होटल हो । उनले सात वर्षअघि पोखरामै ‘ओरियन्ट’ होटल सञ्चालनमा ल्याएकी थिइन् । करिब सात वर्षसम्म सञ्चालनमा रहेको ओरियन्ट होटल कोरोना महामारीका कारण बन्द हुन पुग्यो । सुरुमा १५ लाख लगानी गरी उनी यो व्यवसायमा प्रवेश गरेकी हुन् । उनलाई यो व्यवसायमा श्रीमान्को साथ र सहयोग छ । अनुभवले होटल सञ्चालन गरेकाले सफलता हासिल भइरहेको इन्दिराले बताइन् । उनले लामो समय रेस्टुराँमा जागिरे भई काम गरेकी थिइन् । व्यवस्थापनमा स्नातक पढ्दाताका उनी पोखरास्थित एउटा होटलमा सुपरभाइजरको काम गरेकी थिइन् । जागिरका क्रममा होटल सञ्चालन, व्यवस्थापनलगायत सम्पूर्ण कुराको अनुभव बटुलिन् । होटलमा जागिर खाइरहँदा उनलाई आफैं व्यवसायी बन्ने रहर पलायो । उनको यो रहरलाई पूरा गर्न श्रीमान्ले पनि साथ दिए । उनले करिब एक करोड लगानीमा ‘साकुरा’ होटल संचालनमा ल्याएकी हुन् । ४० कोठा रहेको होटलमा स्ट्यान्डर्ड, डिलक्स र नर्मल गरी तीन क्याटगोरीमा वर्गीकरण गरिएको छ । पर्यटकहरू आफ्नो इच्छाअनुसार बस्न सक्ने इन्दिराको भनाइ छ । समय र पर्यटकहरूको चाहना परिवर्तन हुँदै गएकाले व्यवसायीहरू पनि सोहीअनुसार आफूलाई परिवर्तन गर्दै गइरहेको उनले बताइन् । ‘पर्यटकहरूको रोजाइ अहिले प्रविधि र सुविधासम्पन्न होटल हो । त्यसकारण व्यवसायीहरूले पनि सुविधा थप गर्दे लानुपर्ने आवश्यकता छ’ उनले भनिन्, ‘होटल भित्र रेस्टुराँ पनि सञ्चालनमा छ । स्पा, कन्फरेन्स हल थप्ने योजना छ ।’

नारी संवाददाता , जेष्ठ १२, २०७९

-- पुरै पढ्नुहोस् --

चोकचोकमा स्तम्भ

पर्यटकीयस्थल भेंडेटार चोकबाट पूर्वतर्फ सय मिटर दूरीमा शंखको ठूलो स्तम्भछ । त्यसलाई शंखेश्वर मन्दिर भनिन्छ । धरानबाट उकालिँदै गर्दा डाँडामा सेतो रंगको शंख देख्न सकिन्छ । शंखले महाभारत पहाडको पौराणिक पक्षसँग समेत महत्व राख्ने स्थानीयको दाबी छ ।

रमेशचन्द्र अधिकारी, वैशाख ९, २०७९

-- पुरै पढ्नुहोस् --

मनमोहक ‘ग्रिन भ्याली रिसोर्ट’

काठमाडौंको शिवपुरी डाँडागाउँस्थित ‘ग्रिन भ्याली रिसोर्ट’ पछिल्लो समय पर्यटकको आकर्षक गन्तव्य बन्दै गएको छ ।

नारी संवाददाता , माघ २६, २०७८

-- पुरै पढ्नुहोस् --

जाडो छल्न कहाँ जाने ?

तराईको सबैभन्दा ठूलो राष्ट्रिय निकुञ्ज हो, बर्दिया । अहिले यहाँको मौसम सुख्खा एवं न्यानो हुन्छ । यतिबेला बर्दिया घुम्नका लाागि उपयुक्त हुन्छ ।

नारी संवाददाता , माघ ५, २०७८

-- पुरै पढ्नुहोस् --

घुम्दै खाना चाख्दै

चियाका लागि इलाम, सुकुटीका लागि धनकुटा, कालो सुँगुरका लागि धरान, चुकौनीका लागि पाल्पा, बरमाझिँयाको पेडा, नेपालगञ्जको चाट र राबडी, हिलेको तोङ्बा, भक्तपुरको जुजुधौ, मलेखुको माछा, चितवनको तास प्रसिद्ध मानिन्छ ।

भाद्र ९, २०७८

-- पुरै पढ्नुहोस् --

घुम्नैपर्ने नयाँ ठाउँ

भौगोलिक हिसाबले आकर्षक, प्राकृतिक दृष्टिले रमणीय, ऐतिहासिक कोणले महत्वपूर्ण ठाउँहरूमा अहिले आगन्तुकहरूको भीड लाग्न थालेको छ ।

सुजाता मुखिया, चैत्र १०, २०७७

-- पुरै पढ्नुहोस् --

साहसिक यात्राका लागि पदमार्ग

उच्च हिमाली यात्राका लागि नेपालमा यस्ता ‘ट्रेकिङ रुट’ हरू छन्, जहाँ हिमतालको लोभलाग्दो दृश्य, साँघुरो गोरेटो बाटो, दुर्लभ बोटबिरुवा, पशुपंक्षी नजिकबाट नियाल्दै यात्रा गर्नुको नौलो अनुभव बटुल्न सकिन्छ ।

सुजाता मुखिया, फाल्गुन १०, २०७७

-- पुरै पढ्नुहोस् --

इलामका नयाँ गन्तव्य

इलामको उत्तरी भेगतर्फ लाग्दा एकपछि अर्को पर्यटकीय गन्तव्य फेला पर्छन्–माइपोखरी, टोड्के झरना, सन्दकपुर, छिन्टापु । यी गन्तव्यहरूको प्रवेश बिन्दुमा छ, कोठीडाँडा । जसबीरे भञ्ज्याङको शिरमा अवस्थित यो डाँडा इलामको नयाँ पर्यटकीय गन्तव्य हो, जहाँबाट इलामका अधिकांश भाग अवलोकन गर्न सकिन्छ ।

सुजाता मुखिया, माघ ८, २०७७

-- पुरै पढ्नुहोस् --

घुमफिरका लागि होमस्टे

कोरोना महामारीले लामो समय थलिएको होमस्टे व्यवसाय अहिले केही सामान्य भएपछि फेरि जुरमुराउन थालेको छ ।

प्रकृति दाहाल, मंसिर ११, २०७७

-- पुरै पढ्नुहोस् --

नेपालमै घुमफिर

नेपालका हिमाली भेग तथा नदीको किनारमा बेग्लै रमाइलो हुन्छ । अहिले धेरैजसो परिवारसहित नगरकोट, सुकुटे बीच, गोरखा बीच, त्रिशूली बढी जान्छन् ।

सुजाता मुखिया, माघ १३, २०७६

-- पुरै पढ्नुहोस् --

खप्तड :  प्रकृतिको उपहार

सुदूरपश्चिमका चार जिल्ला बझाङ, बाजुरा, डोटी र अछामको थाप्लोमा पर्ने भूस्वर्ग खप्तडले अनेकौं विविधता बोकेको छ । पर्यटन पत्रकार अमृत भादगाउँले भन्छन्–‘प्राकृतिक, धार्मिक, ऐतिहासिक एवं पर्यटकीय तवरले छुट्टै अस्तित्व बोकेको सुदूरपश्चिमको श्रीपेच हो ।’ उनी थप्छन्–‘२ हजार ७ सयदेखि ३ हजार २ सय २७ मिटरसम्मको उचाइमा पर्ने खप्तड जैविक विविधताको राजधानी हो ।’

वसन्तप्रताप सिंह, विद्या राईपुस ९, २०७६

-- पुरै पढ्नुहोस् --