मेष
आत्मविश्वास बढ्नुका साथै काम गर्ने पराक्रम बढ्नेछ । कुनै संघसंस्थामा आबद्ध रही काम गर्नुपर्दा केही व्यस्त भइएला । छोराछोरीको जिद्दीपनालाई तह लगाउन कुनै कुरामा सम्झौता गर्नुपर्नेछ । एक–अर्काको कुरा बुझी काम गर्नसके दाम्पत्य जीवन सरल रहनेछ । विभिन्न कामको जिम्मेवारीले आफ्नो काम र स्वास्थ्यलाई पनि समय दिन कठिन पर्नसक्छ । बोली एवं व्यावहारिक काम गर्दा सजगता अपनाउनुपर्नेछ । सम्बन्धित मानिससँग मात्र गोपनीय कुरा गर्दा राम्रो हुनेछ ।
वृष
मनकोतनाव हटेर जानेछ । काम गर्ने जाँगर बढ्न गई शरीर पनि स्वस्थ रहनेछ । प्रायः सबै काम आफ्नै प्रभुत्वमा सम्पन्न हुनेछन् । आर्थिक एवं व्यापारिक क्षेत्र सुदृढ रहनेछ । कुनै काम विशेषले कतै जानुपर्ने हुनसक्छ । तपाईको इच्छा र मानको ख्याल गर्दै काम गर्ने प्रयास हुनेछ । पारिवारिक वातावरण सुखमय रहनेछ । व्यक्तिगत काममा सफलता मिल्नेछ । दाम्पत्य जीवनमा आपसी माया एवं सद्भाव कायम रहनेछ । प्रतिस्पर्धात्मक कार्यमा सफलता मिल्नेछ ।
मिथुन
कुनै कुराले मन अस्थिर हुनसक्छ । कुनै कुराको निर्णय गर्नुपूर्व राम्ररी सोच्नुपर्नेछ । सुरु गरेको काम क्रमशः पूरा हुँदै जानेछ । सबै कुरा आफूअनुसार नहुन सक्छ । सोचेअनुसार काममा सफलता पाउन निकै परिश्रम गर्नुपर्नेछ । जोडीबाट अपेक्षित साथ एवं सहयोग पाइनेछ । पारिवारिक खुसीका निमित्त कुनै कुरामा सम्झौता गर्नुपर्ला । आर्थिक पक्ष सुदृढ भए पनि खर्च पनि भैरहनेछ । अनावश्यक खर्चबाट बच्न प्राथमिकतानुसारका कुरामा मात्र जोड दिनुपर्नेछ ।
कर्कट
योजनानुरूप काममा सफलता मिल्दै जानेछ । दाम्पत्य जीवनमा जोडीबाट अपेक्षित सुख एवं सद्भाव पाइनेछ । आफ्नो इच्छानुसारका काममा आफूलाई संलग्न गराउने मौका मिल्नेछ । कुनै कामविशेषले कतै यात्रा हुनेछ । खानपान र आरामको उचित प्रबन्ध हुनेछ । व्यक्तिगत काम एवं खुसीका लागि केही खर्च हुनेछ । कतैबाट कुनै उपहार मिल्नेछ । पारिवारिक सुख एवं सहयोग मिल्नेछ । कतिपय कुरामा चित्तबुझ्दो सफलता नमिल्दा मन खिन्न हुनसक्छ ।
सिंह
सोचेअनुरूप काममा सफलता पाउन निकै आफ्नो काममा खट्नुपर्नेछ । स–साना कुराको पनि निकै ख्याल गर्नुपर्नेछ । अनपेक्षित रहँदै आफ्नो स्वास्थ्य र खानपानको आफैले ख्याल गर्नुपर्नेछ । समयानुसारका काम आफैं गर्दा मन खुसी रहनेछ । प्राथमिकताका कुरामा मात्र ध्यान दिन सके आफैंलाई सहज हुनेछ । के कुरा कत्तिको उपयुक्त र महत्वपूर्ण छ भनी आफैले सोची काम गर्नुपर्नेछ । अनावश्यक खर्चबाट बच्न किनमेल गर्दा सजग रहनुपर्ने बेला छ । समय र कामको तालमेल मिलाउन सके आपूmलाई समय दिन सकिनेछ । कसरी मन सुखी र तन स्वस्थ रहन्छ भन्ने कुराको ख्याल गर्नसके आफन्तलाई सजिलो हुनेछ ।
कन्या
सबै कुरा सोचेअनुसार मिल्दै जानेछन् । तपाईंको कामकुरालाई लिएर समाजमा चर्चा हुनेछ । तपाईंको वाकपटुता र कार्यदक्षताको उचित कदर हुनेछ । कामविशेषले कतैको यात्रा गर्नुपर्नेछ । दाम्पत्य जीवनमा माया एवं समझदारी कायम रहनेछ । छोराछोरीबाट पनि सुख एवं सन्तोष मिल्नेछ । आर्थिक पक्ष सुदृढ रहनेछ । व्यापारिक क्षेत्रबाट पनि सफलता मिल्नेछ । कतैबाट रोकिएको रकम हात लाग्नेछ । कुनै नयाँ कामका लागि प्रस्ताव आउनसक्छ । नयाँ रोजगारीको सम्भावना पनि छ । समयानुसार कामको प्राथमिकता हेरी आफैंले निर्णय गर्नुपर्नेछ । जे कुराले मनमा सन्तोष हुन्छ त्यही काम गर्दा मन तनावरहित रहनेछ ।
तुला
कुनै बहुप्रतीक्षित कार्यमा सफलता मिल्नेछ । मनमा भएको तनाव हटी शरीर स्वस्थ रहनेछ । रोकिएको कामले गति लिन थाल्नेछ । सोचेअनुसार सबै काममा सफलता मिल्दै जानेछ । प्रतिस्पर्धात्मक क्रियाकलापमा सफलता मिल्नेछ । रमाइलो पारिवारिक जमघट हुनेछ । साथीहरूसित कतै रमाइलो भेटघाट गर्ने कार्यक्रम बन्नसक्छ । छोराछोरीबाट अपेक्षित सुख एवं सन्तोष पाइनेछ । दाम्पत्य जीवनमा सोचेजस्तै समझदारी कायम रहनेछ । नचाहँदा नचाहँदै पनि अनपेक्षित विवाद हुनसक्छ । सकेसम्म कुराकानी गर्दा जिस्किने वा ठट्टा गर्ने कार्य नगर्नु नै राम्रो हुनेछ ।
वृश्चिक
प्रतिस्पर्धात्मक कार्यमा सफलता मिल्नेछ । काम नै सुझबुझले समाधान हुनेछ । आर्थिक पक्ष राम्रै भए पनिआकस्मिक बाधा आए पनि अनपेक्षित खर्च हुनेछ । आर्थिक लेनदेनको काममा सजग रहनुपर्ने बेला छ । दाम्पत्य जीवनमा सोचेजस्तै समझदारी कायम रहनेछ । कतैबाट आकस्मिक उपहार प्राप्त हुनेछ । धार्मिक कार्यमा मनको झुकाव बढ्नेछ । कसैकसैलाई केही समय माइती गएर बस्ने मौका मिल्नेछ । व्यक्तिगत कामका लागि समय दिन पाइनेछ । कामका साथसाथै स्वास्थ्य र खानपानमा पनि ध्यान दिनुपर्ने बेला छ ।
धनु
पारिवारिक सुख–समृद्धि बढ्नेछ । कुनै नयाँ ठाउँको अवलोकन गर्ने मौका मिल्नेछ । साथीहरूसित भेटघाट गर्ने अवसर जुर्नसक्छ । कसैलाई सन्तान लाभको योग पनि छ । कुनै–कुनै कुरा आफूले सोचेअनुसार नहुनसक्छ । दाम्पत्य जीवनमा कुनै कुरालाई लिएर वैचारिक मतभेद हुनसक्छ । कुनै निर्णयात्मक कार्य गर्दा मनमा दोधार हुनेछ । शान्त, धैर्य र सकारात्मक रहँदै काम गर्नुपर्नेछ । स्वास्थ्य, खानपान र व्यायामको पनि ख्याल गर्नुपर्ने बेला छ ।
मकर
आफ्नो इच्छा मुताबिक सबै कुरा मिल्दै जानेछन् । प्रतिस्पर्धात्मक क्रियाकलापमा विजय प्राप्त हुनेछ । आर्थिक पक्ष सुदृढ रहनुका साथै व्यापारिक क्षेत्रमा सफलता मिल्नेछ । सन्तान सुखको योग छ । व्यक्तिगत काममा सफलता मिल्नेछ । कुनै कामविशेषले कतैको यात्रा हुनसक्छ । पेटको समस्या हुनसक्ने योग रहेकाले स्वास्थ्यमा सजग रहनुपर्ने बेला छ । सोचेअनुरूप काममा सफल हुन निकै खट्नुपर्नेछ । कुनै पनि निर्णायक काम गर्नुअघि राम्ररी सोचविचार गर्नुपर्ने बेला छ । हतारमा कुनै काम नगर्नु नै उचित हुनेछ ।
कुम्भ
मनमा भएको द्विविधा हटेर जानेछ । काम गर्ने उत्साह एवं पराक्रम बढ्दा शरीर स्वस्थ रहनेछ । प्रतिस्पर्धात्मक क्रियाकलापमा छानिने प्रबल सम्भावना छ । रिस गर्ने व्यक्तिहरू आफै तर्किन थाल्नेछन् । काममा मन रम्न थाल्नेछ । व्यक्तिगत क्रियाकलापमा पनि समय दिन भ्याइनेछ । पारिवारिक सुख एवं समृद्धि बढ्नेछ । आत्मविश्वास बढ्न जाँदा जसले जे गरे पनि केही फरक पर्ने छैन । व्यावहारिक कार्य गर्दा भने सजग रहनुपर्नेछ । अनपेक्षित विवादबाट बच्न कुराकानी गर्दा निकै विचार पु¥याउनुपर्नेछ ।
मीन
छिमेकी एवं प्रतिस्पर्धीसँग सजगता अपनाउनुपर्नेछ । व्यक्तिगत काम गर्दा गोपनीयतामा ध्यान दिनुपर्नेछ । अनपेक्षित रहँदै काम गर्दा मनमा सन्तोष मिल्नेछ । राम्रै हिसाबले काम गर्दागर्दै पनि दाम्पत्य जीवनमा सामान्य विवाद हुनसक्छ । छोराछोरीलाई हात लिन तिनैको तौरतरिकालाई अपनाउनुपर्नेछ । मनस्थिति बुझी सोहीअनुरूप काम गर्न सके पारिवारिक वातावरण सुखमय रहनेछ । कसैले भनेको कार्यक्षेत्रमा सक्रिय रहनसके सम्भावित अपजसबाट बच्न मनमा घत पर्नसक्छ । केही समय व्यक्तिगत कामका लागि छुट्याउन सके मन तनावरहित रहनेछ ।
